اه من زمن تفريق الحبايب

بشروه إني أبرحل وأختفي من دنيته = برحل لدنيا جديده مستحيل أبقى معه

برفع يديني وبدعي يالله يارب ثبته = وجعله الراحه ولايقربه شين يدمعه

ضاع عمري في عذاب ومات قلبي بسبته = مابقى في العمر باقي لاولاأرجي منفعه

كان فيني نصف عقل ومن عرفته شتته = مدري هو عقلي يبي يعود لمرجعه

كان قول الشعر في طرف اللسان ونسته = صرت حتى بيت واحد وبصعوبه أسجعه

كنت دايم أكتب البيتين فيه وظنته = إني أكذب ماأقول الصدق والشعر أجمعه

وإن معي له مصلحه يلعب معاي بنيته = ويعلم رب العباد أن الحب معه ما اتصنعه

شيء واحد هو قهرني لييه يظهر طيبته = دام صبره لي نفذ ولاعاد قولي يسمعه

مرتن يخفي عبرته ومره تنزل دمعته = وأنا متعود عليها ياعسى أمر الله سعه

والرحيل أقسى حلولي وهي تبيه ونالته = والبعد يعذب القلب ويهده ويوجعه

والصبر لازم وهاذي حكمة الله وسنته = مستحيل أنساه لين العمر يلقى مصرعه